PAHAYAG NG PAGKONDENA SA PLANONG ISAMA ANG ENERHIYANG NUKLEYAR SA PINAGKUKUNAN NG KURYENTE SA PILIPINAS

Isinagawa na ang mga pagdinig ng Technical Working Group ng Special Committee on Nuclear Energy ng House of Representatives (HoR) noong Oct 12-14, 2026. Layunin nito na idetalye ang balangkas ng batas, ang mga insentibong ibibigay sa mga magne-negosyo sa pagtatayo ng plantang nukleyar, kasama ang paglalaan ng budget para dito. Noong Mayo 2026 ay inaprubahan sa mababang kapulungan (HoR) ang HB 08567 o ang Nuclear Energy Sector Integration Act, na si Cong. Mark Cojuangco ng Pangasinan 2nd District ang ponente. Wala pang nagagawang katapat na batas ang senado dahil abala sa impeachment proceedings ni Sara Duterte. Inanunsyo din ng Department of Energy (DOE) na isasagawa nang magkasabay ang World Nuclear Supply Chain Conference 2026 at ang Philippine International Nuclear Energy Forum 2026 bilang isang event sa Oct 20-21, 2026 sa Grand Hyatt Manila sa Bonifacio Global City sa Taguig. Ibig sabihin nito, ang planong paggamit ng enerhiyang nukleyar ay siguradong tuloy. Nakasaad na din sa Philippine Energy Plan o PEP ang mga target na: 1,200 MW sa taong 2032; 2,400 MW sa 2035, at 4,800 MW sa 2050. Kung aaralin ang nukleyar, pwedeng sabihing ito ang pinakamalakas na pagkukunan ng enerhiya sa buong mundo. Ngunit mas masahol ang mga disbentahe nito kaysa bentahe. Mga disbentahe 1. Unang-una, ito’y hindi renewable. Ito’y nauubos tulad ng langis, natural gas, coal, atbp fossil fuels. At dahil nauubos, hindi sustenable para gamitin sa mahabang panahon. 2. Pangalawa, napakamahal at napakatagal itayo ang isang plantang nukleyar. Ayon sa International Atomic Energy Agency (IAEA), aabutin ng 10-15 years ang pagtatayo ng isang planta bago ito magbigay ng aktwal na kuryente. Lubos na mas mabilis itayo ang planta ng solar (4 yrs) o ng isang geothermal power (8 yrs). Idagdag pa diyan na walang uranium (gatong ng nukleyar) sa Pilipinas. Ito’y aangkatin sa mga bansang mayaman dito gaya ng Kazakhstan, Canada, at Australia. Kaya ang nukleyar ay mangangahulugan ng napakataas na presyo ng kuryente. 3. Ikatlo, napakadelikado sa tao at kapaligiran ang radio-active wastes nito. Hindi sikreto ang mga sakunang nangyari sa ibang bansa kung saan nagkaroon ng melt-down o pagkasira ng planta dahil sa mekanikal at natural na problema dulot ng lindol (Three-Mile Island, Chernobyl, Fukushima). Ang sarili nating Bataan Nuclear Power Plat ay hindi napagana dahil maraming problema sa konstruksyon at hindi pumasa sa audit ng mga eksperto. Isa pa, ang Pilipinas ay nasa loob ng isang earthquake fault line mula Luzon hanggang Mindanao, kaya ang pagkakaroon ng lindol ay inaasahan. At kapag nagkaroon ng melt-down, ang paglilinis ng nuclear-wastes ay maaaring tumagal ng libong taon, at hindi pa alam kung lubusang malilinis pagkalampas ng libong taon. 4. Ikaapat, lubha itong mapanganib dahil pwedeng gamitin ang uranium para gawing bomba at magamit sa gera. Mawawasak lang ang Pilipinas kapag isinama tayo ng mga imperyalistang bansa sa kanilang gera. Pwede tayong matulad sa Ukraine na wasak ang karamihang gusali dahil sa gera sa pagitan ng Russia at ng Nato, kasama ang US. Magdudulot pa ang nukleyar ng tensyon sa seguridad sa mga bansang nakapaligid sa Pilipinas. Bakit ipinipilit ang paggamit ng nukleyar? Bakit ipinipilit ito gayong marami namang malinis at libreng pagkukunan ng enerhiya - ang RENEWABLES? Ito ang enerhiya mula sa araw, sa tubig, sa init ng lupa, sa hangin, atbp. Ito’y libreng makukuha sa kalikasan. Ang teknolohiya ay available na, kailangan na lang pondohan ng gobyerno para magawang abot-kaya ng taumbayan. Sa ngayon, ang paggamit ng renewables ay sa balangkas ng negosyo at hindi ng pangangailangan ng tao. Kaya kabalintunaan ang sagot sa sinasabing krisis sa enerhiya dahil meron namang libre. Ang uring pinagsisilbihan ng gobyerno Makikita dito kung anong uri ang pinagsisilbihan ng kasalukuyang gobyernong pinamumugaran ng mga dynastiya tulad ni Mark Cojuangco. Hindi ang uring manggagawa at masang anak-pawis na sumasalo sa lahat ng epekto ng krisis na dulot ng kapitalistang sistema, kundi ang mga negosyante’t elitista. Tinututulan natin ang plano na gamitin ang nukleyar para sa pangangailangang enerhiya ng bansa. Mas mabigat ang epekto sa buong buhay ng mamamayan kaysa sa bentahe. May ibang solusyon na hindi kailangang bilhin, hindi nauubos, murang patakbuhin, at makikinabang ang bawat Pilipino. PARTIDO LAKAS NG MASA Oktubre 18, 2026

Journalist Francesca Fiorentini condemns Israeli actions in Gaza as ‘gen...

ANG KUMBERSYON NG LUPA MULA SAKAHAN PATUNGONG KOMERSYAL

 Ang lupang komunal na daan-taon nang pinakikinabangan ng mamamayan ng Carmona sa pamamagitan ng pagtatanim at pag-ani sa bunga nito ay nagsisimula nang mawala. Noong 2022 ay ipinagkasundo ng LGU sa SM ang kulang-kulang na 204 ektaryang taniman upang gawing komersyal/residential na lugar. Nawala na ang malapad na taniman ng palay. Nawala na ang kinaugaliang “Sorteo ng Bukid.” Nawala na din ang mga magsasaka kasama ang kanilang mga tirahan. Sa ngayon ay mga bulldozer at backhoe ang makikita sa gitna ng maalikabok at tiwangwang na lupa. Ang kanilang itatayo ay mga building, mall, opisina, mga kainan, at iba pang commercial centers. Maaari ding tayuan yan ng mga bahay ng mayayaman, dahil sila lang ang may kakayanang bumili ng may napakataas na presyo. Ngunit ang tanong, sino ba ang makikinabang sa mga yan? Mamamayan ba o ang malaking negosyanteng SM?

Ayon naman sa datos ng Phil Rice Research Institute o PhilRice, isang ahensya ng gobyerno na nagaaral sa produksyon ng palay ng bansa, noong 2021 ay nagproduce ang Carmona ng 1,137 metric tons ng palay. Ito’y bumaba sa 715 metric tons noong 2022. Ayon din sa NEDA, ang rice inflation ng bansa ay tumaas sa 22.6% ngayong Pebrero 2024 mula 19.6% noong Disyembre 2023. Ibig sabihin, patuloy na tumataas ang presyo ng bigas dahil sa maraming kontributor, pangunahin ang presyo sa pambansang pamilihan. Naglabas din ang PhilRice, na nakasaad sa Philippine Rice Industry Roadmap 2030, ng ‘Rice Security’ bilang layunin ng bansa hanggang 2030 …

Kung iaanalisa ang mga nabanggit, hindi matutupad ang layuning RICE SECURITY kung patuloy na ikino convert ang mga sakahan sa komersyal spaces. Ang resulta ng kumbersyon ay pagliit ng lokal na produksyon ng palay at pagsalalay sa imported, kung saan walang kontrol ang bansa sa presyo. Ito ang equation:

LAND CONVERSION = HIGH COST OF RICE = RICE INSECURITY

Ayon naman sa Sec 4 ng DAR AO No 1, Series of 2002, non-negotiable ang pag-convert ng lupa kung ito’s may irigasyon. Nakatuon pa rin ang batas na ito sa food security. Binigyan nito ng importansya ang paglikha ng palay hanggat ang lupa ay mayaman at may inaani. Ibig sabihin, labag ang ginawang kumbersyon ng lupa ng Carmona dahil mayaman sa tubig ang bayan at may irigasyon. Pinatunayan ito ng report ng National Irrigation Administration o NIA noong 2023 na sagana sa tubig ang Carmona.

 Sa mga nakasaad sa itaas, malinaw na napakaraming sinalaula at nilabag ang kumbersyon ng lupang sakahan at pakikipag kasundo ng LGU sa SM. Nilabag nito ang batas ng DAR sa pag-convert. Nilabag nito ang programa ng gobyerno na Rice Security. At higit sa lahat, nilabag nito ang mandato ng LGU na pagsilbihan ang interes ng mamamayan kesa sa isang malaking negosyante.

 Ang ganitong mga pagmamalabis ng mga dambuhalang negosyante, na may basbas ng LGU, ay hindi sa Carmona lang nangyayari. Ito’y makikita sa lahat ng panig ng bansa. Dahil hanggat ang naka pwesto sa gobyerno ay mga elitista’t mayayaman, walang maaasahan ang taumbayan. Kinakailangan laging maging mapagmatyag at tumindig sa panig ng mga maliliit.

ITIGIL ANG KUMBERSYON NG LUPA !

LAND CONVERSION, SANHI NG MATAAS NA PRESYO NG BIGAS !

LAND CONVERSION, SANHI NG RICE INSECURITY !

IBALIK ANG LUPANG KOMUNAL SA MGA TAO !

TAO MUNA BAGO TUBO !

SAMAHAN NG MAMAMAYAN PARA SA KALIKASAN AT BAYAN (SAMAKABAYAN)

BUKLURAN NG MANGGAGAWANG PILIPINO –SOUTHERN TAGALOG (BMP-ST)

PARTIDO LAKAS NG MASA – SOUTHERN TAGALOG (PLM-ST)

Bakit hirap magbasa ang mga batang Pinoy? Teacher Sab explains

This should be an eye-opener for the policy-makers, and re-think if the intelligence funds of Deped is needed while the mass of Filipino students are in the learning poverty and the teachers shoulder all the load to cope-up with the problem ...

KALASAG (Kabitenyong Alyansa Laban sa Seabed Quarrying) pre-launch on Mar 31, 2023, attended by church leaders, community grps, home owners associations, environmental grps, the academe, students, workers, and fisherfolks ...

Is the bank system sound? - SPECIAL EPISODE - Robert Kiyosaki, Andy Sche...

This explains how systemic the on-going US financial crisis is, and what the US Fed govt plans to do to squirm from the sinkhole they're in, which explains also that all crises are inherent in Capitalism. What's the alternative -  SOCIALISM!  

This has been the broadest alliance so far of Filipino workers clamoring for changes in the political and economic situation amid the various crises besetting the country. PAGGAWA, NAGKAISA, & KMU, staged joint protest rally during the 159th birth anniversary of the Filipino hero Andres Bonifacio.